Farrukh Zohra Gilani
vo mard-e-qalandar hai nishan us ka ḳhudi hai
ḳhuddar hai aisa ki guman us ka ḳhudi hai
iqbal ke sheron men ye ejaz-e-suḳhan hai
vo ishq-e-mohammad men chamakta hua fan hai
yuun fikr ke teshe se kiya zulm ko shaq hai
har daur ki zulmat men vo phaila hua haq hai
iqbal bhi iqbal se agah nahin tha
us arz ka baasi tha ki aflak-nashin tha
yadon ke havale se vo har dil ka makin hai
‘farruḳh’ vo zamane ke liye ek nagin hai
Leave a Reply