Aankhon Ki Pyas Bas Bujhani Hai

āñkhoñ kī pyaas bas bujhānī hai

ziist yasrib hī meñ batānī hai

aarzū puurī ho ḳhudāvandā

varna to har shai be-ma.ānī hai

un ke hī dar kā hai sabhī sadqa

mere ash.ār meñ ravānī hai

tū mohammad ke ishq meñ kho jā

ye mohabbat hī jāvedānī hai

zindagī aap par nichhāvar hai

aap bin ziist be-ma.ānī hai

hai shafā.at kā aasrā varna

sharmsārī bharī kahānī hai

ho arab yā ki ho najaf ‘shamsa’

shāh-e-ummat kī hukmrānī hai

Leave a Comment