Poet
ḳhol sa oḌhe hue lagte hain log
baat kya hai itne chup kaise hain log
band kamron se abhi nikle hain log
aur hi andaz se milte hain log
jis ko dekho hai vahi jhulsa hua
kis dahakti aag se nikle hain log
kaun kisi ki fikr karta hai yahan
apne apne jaal men uljhe hain log
raushni ki kyuun nahin karte talash
kyuun andhera banTte phirte hain log
manzilon ka zikr hi be-sud hai
gumrahi se mutma.in lagte hain log
zahar piite hain magar marte nahin
kuchh na puchho kaise kya karte hain log
Leave a Reply