ḳhema-e-jan ki tanabon ko ukhaḌ jaana tha
ham se ik roz tira gham bhi bichhaḌ jaana tha
kaun se kaaj sanvarte hain tire hone se
kaun sa kaam na hone se bigaḌ jaana tha
bai.at-e-ishq na ki bai.at-e-shahi ke liye
qasr basna the so maqtal ko ujaḌ jaana tha
sang-rezon ki kami kab thi sar-e-rah-e-visal
dil-e-kam-zarf ka daman hi sikuḌ jaana tha
aur kab tak yunhi be-gaur-o-kafan rakhte unhen
sard ḳhanon men bhi lashon ko akaḌ jaana tha
kya ḳhabar thi zar-e-ehsas ke luTte hi ‘najib’
ik ḳhala sa dar-o-divar men paḌ jaana tha
Leave a Reply