Abroo Shah Mubarak
magar tum siin hua hai ashna dil
ki ham siin ho gaya hai bevafa dil
chaman men os ke qatron ki manind
pade hain tujh gali men ja-ba-ja dil
jo gham guzra hai mujh par ashiqi men
so main hi janta huun ya mira dil
hamara bhi kahata tha kabhi ye
sajan tum jaan lo ye hai mira dil
kaho ab kya karun daana ki jab yuun
birah ke bhaad men ja kar pada dil
kahan khatir men laave ‘abru’ kuun
hua us mirza ka ashna dil
Leave a Reply