Muneer Niyazi
khayal jis ka tha mujhe khayal men mila mujhe
saval ka javab bhi saval men mila mujhe
gaya to is tarah gaya ki muddaton nahin mila
mila jo phir to yuun ki vo malal men mila mujhe
tamam ilm ziist ka guzishtagan se hi hua
amal guzishta daur ka misal men mila mujhe
har ek sakht vaqt ke baad aur vaqt hai
nishan kamal-e-fikr ka zaval men mila mujhe
nihal sabz rang men jamal jis ka hai ‘munir’
kisi qadim khvab ke muhal men mila mujhe
Leave a Reply