Bhartendu Harishchandra
khayal-e-navak-e-mizhgan men bas ham sar patakte hain
hamare dil men muddat se ye khar-e-gham khatakte hain
rukh-e-raushan pe us ki gesu-e-shab-gun latakte hain
qayamat hai musafir rasta din ko bhatakte hain
fughan karti hai bulbul yaad men gar gul ke ai gulchin
sada ik aah ki aati hai jab ghunche chatakte hain
riha karta nahin sayyad ham ko mausam-e-gul men
qafas men dam jo ghabrata hai sar de de patakte hain
uda dunga ‘rasa’ main dhajjiyan daman-e-sahra ki
abas khar-e-bayaban mere daman se atakte hain
Leave a Reply