Wo ghoDiyon Ki Tarah shoKH Aur Lachili Thi

vo ghoḌiyoñ kī tarah shoḳh aur lachīlī thī

maiñ shahsavār thā lekin giraft Dhīlī thī

lagā huā hai zamāna baḌā.ī meñ jis kī

usī ne shahr se pahlī lagān bhī lī thī

vo jā chukī to achānak mujhe ḳhayāl aayā

vo ghaas jis pe maiñ baiThā thā kitnī giilī thī

hamārā ḳhuun samay kā sufūf jazb kare

hamārī chhāl kisī bad-gumāñ ne chhīlī thī

ab us kā Dhab bhī koī dekhtā to hogā hī

jise tarāsh ke qarnoñ ne zahr pī lī thī

Leave a Comment