KHata Uski Muafi Se baDi Hai

ḳhatā us kī muāfī se baḌī hai

maiñ kyā kartā sazā denī paḌī hai

nahīñ chal pā.ūñgā maiñ saath is ke

ye duniyā be-sabab zid par aḌī hai

havā ne phaaḌ dī tasvīr lekin

abhī ik kiil siine meñ gaḌī hai

vo masjid ghar na ban jaa.e kisī kā

namāzeñ band haiñ ḳhālī paḌī hai

nikal aayā añdhere meñ kahāñ maiñ

mirī parchhā.īñ bistar par paḌī hai

Leave a Comment