KHamoshi Ki Ramz Sujha

ḳhāmoshī kī ramz sujhā

bol rahā hai boltā jā

Tek lagā ham aisoñ se

dīvāroñ kā maan baḌhā

ḳhaak hue darbāroñ kī

yaktā.ī kā giit sunā

chīḳh sunī darvāzoñ kī

jaise kahte hoñ mat jā

habs kī ḳhātir kamre meñ

zindānī kā ism paḌhā

haath kaTe is bastī meñ

kurtā līr-o-līr huā

ronā hai to khul kar ro

rone vaalī shakl banā

ishq huā bīmārī se

āseboñ kā rizq khulā

Leave a Comment