Afroz Rizvi
aine se tumhari nazar der se mili
mujh ko naved-e-sham-o-sahar der se mili
dariya-e-be-khudi ko bhanvar der se mila
paani ko sahilon ki khabar der se mili
shayad isi liye mujhe manzil na mil saki
mujh ko tumhari rahguzar der se mili
be-khvab raston men ye taabir-e-dard-e-dil
mil to gai hai mujh ko magar der se mili
un ko na mil saki tire ujle badan ki dhuup
jin ko ziya-e-shams-o-qamar der se mili
Leave a Reply