Ejaz Gul
mahmil hai matlub na laila mangta hai
chak-gireban qais to sahra mangta hai
hijr sar-e-virana-e-jan bhi mohr-ba-lab
vasl gali-kuchon men charcha mangta hai
is a.ina-ḳhane ka har raqs-kunan
apne samne apna tamasha mangta hai
na-ummidi laakh qafas ijad kare
ta.ir-e-dil parvaz-e-tamanna mangta hai
umr bitata hai imroz men aur makin
darvaze par dastak-e-farda mangta hai
dhuup javani ka yarana apni jagah
thak jaata hai jism to saaya mangta hai
bandh sag-e-avara chaukhaT ke andar
ek musafir tujh se rasta mangta hai
log tavalat se ghabrate hain varna
ek zamana sidha rasta mangta hai
Leave a Reply