abdul-aziz-fitrat

Khamosh Kali Sare Gulistan Ki Zaban Hai

khamosh kali saare gulistan ki zaban hai

ye tarz-e-sukhan abru-e-khush-sukhnan hai

jo baat ki khud mere takallum pe garan hai

vo teri samaat ke to qabil hi kahan hai

har zarra pe hai manzil-e-mahbub ka dhoka

pahunche koi is bazm tak un ka hi kahan hai

insan ne asrar-e-jahan faash kiye hain

soya hua khurshid hai zarra nigaran hai

‘fitrat’ dil-e-kaunain ki dhadkan to zara sun

ye hazrat-e-insan hi ki azmat ka bayan hai

More Poems

Leave a Comment