KHalwaton Mein Baha Liya Tera Gham

ḳhalvatoñ meñ bahā liyā tirā ġham

bazm meñ gungunā liyā tirā ġham

har udāsī pe ik tabassum thā

muskurāhaT se khā liyā tirā ġham

thā kabhī chāk-chāk galiyoñ meñ

ham ne apnā banā liyā tirā ġham

pūchhne par ḳhudā kā shukr kiyā

dhaḌkanoñ ko sunā liyā tirā ġham

‘roz’ kis tarah zindagī karte

shukr hai ham ne pā liyā tirā ġham

Leave a Comment