khalish-e-tir-e-be-panah gai
lijiye un se rasm-o-rah gai
aap hi markaz-e-nigah rahe
jaane ko char-su nigah gai
samne be-naqab baithe hain
vaqat-e-husn-e-mehr-o-mah gai
us ne nazren utha ke dekh liya
ishq ki jurat-e-nigah gai
intiha-e-junun mubarakbad
pursish-e-hal gaah gaah gai
mar mite jald-baz parvane
apni si shama to nibah gai
dil men azm-e-haram sahi lekin
un ke kuche ko gar ye raah gai
Leave a Reply