KHwab Waise to Ek Inayat Hai

ḳhvāb vaise to ik ināyat hai

aañkh khul jaa.e to musībat hai

jism aayā kisī ke hisse meñ

dil kisī aur kī amānat hai

jaan dene kā vaqt aa hī gayā

is tamāshe ke ba.ad fursat hai

umr bhar jis ke mashvaroñ pe chale

vo pareshān hai to hairat hai

ab sañvarne kā vaqt us ko nahīñ

jab hameñ dekhne kī fursat hai

us pe utne hī rañg khulte haiñ

jis kī āñkhoñ meñ jitnī hairat hai

Leave a Comment