KHak-Zadon Se Hawale Nahin Manga Karte

ḳhāk-zādoñ se havāle nahīñ māñgā karte

har pahelī meñ ishāre nahīñ māñgā karte

ye nishānī hai mohabbat meñ ḳhafā hone kī

vo sañvarte haiñ to tohfe nahīñ māñgā karte

ik mulāqāt meñ khultī nahīñ achchhī laḌkī

itnī ujlat meñ sitāre nahīñ māñgā karte

maañg lete haiñ zarūrat ke alāva kuchh bhī

shaah achchhā ho to TukḌe nahīñ māñgā karte

sun ai shiddat se ġhalat baat pe rūThe hue dost

yaar yāroñ ke ḳhasāre nahīñ māñgā karte

Leave a Comment