Zakauddin Shayan
ḳhaak ham munh pe male aa.e hain
chand ko chhu ke chale aa.e hain
shola shola ye chaTanon ke badan
absharon men Dhale aa.e hain
kisi manzar pe nahin khulti aankh
kis ki palkon ke tale aa.e hain
chandni se kaho baazu khole
us ki ḳhushbu ke jale aa.e hain
shoḳh kirnon ne pukara hai hamen
din hamare bhi bhale aa.e hain
vahi ta.abir vahi ik chehra
ḳhvab kya raat Dhale aa.e hain
Leave a Reply