Jo Baat Munh Se Nikalen to Jurm Hai Apna

jo baat muñh se nikāleñ to jurm hai apnā

lahū ko raag banā leñ to jurm hai apnā

hayā se nīchī nigāhoñ ko band rakhnā hai

nazar kabhī jo uThā leñ to jurm hai apnā

laboñ pe mohr ho dil laakh TukḌe TukḌe ho

zabāñ se harf nikāleñ to jurm hai apnā

ye qaid-o-band ye pābandiyāñ zamāne kī

jo us se ruḳh ko phirā leñ to jurm hai apnā

Leave a Comment