Poet
jalva dikha ke guzra vo nuur didgan ka
tarik kar gaya ghar hasrat-e-kashidgan ka
gham yaar ka na bhule so baagh agar dikha den
kab dil chaman men va ho matam-rasidgan ka
rang-e-hina pe tohmat us lala-ru ne bandhi
hathon men mal ke aaya khuun dil-tapidgan ka
ahl-e-qubur uupar vo shokh kal jo guzra
betab ho gaya dil khak-armidgan ka
yuun ‘mir’ se suna hai vo mast-e-jam ‘bedar’
tah kar gaya musalla uzlat-uzidgan ka
Leave a Reply