Adil Mansuri
ainak ke shishe par sarakti chyunti
aage ke paanv uupar hava men utha kar
pichhle paanv par khadi
hinhinati hai ghode ki tarah
ainak ke niche dabe akhbar men
do havai jahaz takra jaate hain
musafiron se ladi ik kashti ulat jaati hai
ek bas khaai men gir padti hai
panch budhe faqir sardi se mar jaate hain
koila-kan men paani bhar jaata hai
radio pukarta hai pachchis paise men tiin
ainak ka shisha saaf karti chyunti
ahista se aage badh jaati hai
Leave a Reply