ḳhaak ho ja.enge kirdar ye jaane maane
aur miTTi se milenge sabhi tane-bane
zindagi ki to kabhi bhar na saki almari
pur kiye main ne tamannaon ke saare ḳhane
ham ye kin tund havaon ki zadon men aa.e
ham parinde to faqat aa.e the chugne daane
mujh ko dariyaon ne sahraon men thame rakkha
main ne dariyaon men Daale the kisi pal aane
canvas charon taraf phaila hua hai ‘zishan’
par nahin zehn jo tasvir ko puura jaane
Leave a Reply