Saghar Siddiqui
chandni ko rasul kahta huun
baat ko ba-usul kahta huun
jagmagate hue sitaron ko
tere paanv ki dhuul kahta huun
jo chaman ki hayat ko Das le
us kali ko babul kahta huun
ittifaqan tumhare milne ko
zindagi ka husul kahta huun
aap ki sanvli si murat ko
zauq-e-yazdan ki bhuul kahta huun
jab mayassar hon saghar-o-mina
barq-paron ko phuul kahta huun
Leave a Reply