Chandni Ko Rasul Kahta Hun

chāñdnī ko rasūl kahtā huuñ

baat ko bā-usūl kahtā huuñ

jagmagāte hue sitāroñ ko

tere paañv kī dhuul kahtā huuñ

jo chaman kī hayāt ko Das le

us kalī ko babūl kahtā huuñ

ittifāqan tumhāre milne ko

zindagī kā husūl kahtā huuñ

aap kī sāñvlī sī mūrat ko

zauq-e-yazdāñ kī bhuul kahtā huuñ

jab mayassar hoñ sāġhar-o-mīnā

barq-pāroñ ko phuul kahtā huuñ

Leave a Comment