Sufi

Uski Aankhon Mein Kuchh Nami Si Hai

us ki ankhon men kuchh nami si hai

vaqt ki nabz bhi thami si hai

har taraf juun ki tuun hai har ik shai

kyuun tabiat men barhami si hai

koi ab tak samajh nahin paaya

zindagi gunge aadmi si hai

meri jaan teri surkhi-e-lab men

khuun dil ki mire kami si hai

us se hasil nahin farar kabhi

dard ik chiiz lazmi si hai

vo fasurda nazar nahin aata

sirf poshak matami si hai

mera dil bhari ho gaya hai ‘kamal’

us ki yadon ki tah jami si hai

More Poems

Leave a Comment