ḳhaar to phir bhi ḳhaar hote hain
gul bhi be-e’tibar hote hain
gham se jo ham-kanar hote hain
bas vahi gham-gusar hote hain
jin ke pichhe na koi matlab ho
rishte vo ḳhush-gavar hote hain
dhoka khate hain bas vahi aksar
jo bahut hoshiyar hote hain
hasidon ke karam hi kaafi thi
dost kyon barq-bar hote hain
jin ki ghuTTi hi men ho be-sharmi
vo kahin sharmsar hote hain
aise phulon ka kya karen ‘nami’
jin ke pahlu men ḳhaar hote hain
Leave a Reply