takalluf hai murad-e-dil ka dil par baar ho jaana
mohabbat kya hai marne ke liye tayyar ho jaana
na kaam aaya un aahon ka falak ke paar ho jaana
mire sone se mushkil tha tira bedar ho jaana
nazar milte hi un se aa gaya saara asar dil men
use aata na tha pahle kabhi bimar ho jaana
vafa ka rahbar hai tuda-e-ḳhaki ki jaan us ko
kaman-kash dil hai aage ik zara hushiyar ho jaana
ye tufan ashk ka kam ho to samjhun Duub kar ubhra
isi matlab ko sab kahte hain beḌa paar ho jaana
tah-e-shamshir ja-e-mardum-e-did hai dekh ai dil
yunhi tu bhi usi din ke liye tayyar ho jaana
zara si ik nigah-e-ishq men ankhon se girta hai
bahut asan hai insan ka be-kar ho jaana
dil-e-sayyad se shikva karun kya sahal hai is ko
adu phulon ka ho kar ham-ziyan-e-ḳhar ho jaana
hua jo kuchh hua mamnun huun sahba-e-ghaflat ka
qafas men aa ke ab be-kar hai hushiyar ho jaana
ye kaisi na-tavani hai ki dil mahsus karta hai
mire kandhon pe ḳhud mere hi sar ka baar ho jaana
nazar ko ek jumbish aur de ai dekhne vaale
ishare par hai in zaḳhmon ka damn-dar ho jaana
baham hain be-hisi-o-his ki dil ko ḳhvab aata hai
kabhi shaq ho ke dar hona kabhi divar ho jaana
tumhare zo.am men rahrav ka raste se guzarna hai
kisi chhuTe hue navak ka dil ke paar ho jaana
tira avaza-e-husn-e-suḳhan achchha nahin ‘saqib’
nazar paḌti hai tujh par ik zara hushyar ho jaana
Leave a Reply