Kaun Kahta Hai Tere Dil Mein Utar Jaunga

kaun kahtā hai tire dil meñ utar jā.ūñgā

maiñ to lamha huuñ tujhe chhū ke guzar jā.ūñgā

shab ke chehre meñ koī rañg to bhar jā.ūñgā

chal paḌā huuñ to maiñ ab tā-ba-sahar jā.ūñgā

āsmānoñ kī safeñ kaaT ke pahuñchā thā yahāñ

ab tirī aañkh se TuuTā to kidhar jā.ūñgā

apnī nazroñ kā koī dā.era ban ke mire gird

varna in tez havāoñ meñ bikhar jā.ūñgā

Leave a Comment