Kaun Hai Jis Ka Sara Dukh Hai

kaun hai jis kā saarā dukh hai

dukh bhī jis kā chāra dukh hai

mīThī bāteñ kartā hai vo

aur āñkhoñ meñ khārā dukh hai

maiñ aurat huuñ mujh se maliye

merā miTTī gaarā dukh hai

ishq meñ dukh hī chāra samjhā

aur vaj.h bechāra dukh hai

dekh ḳhudā ab tere hote

merā sirf sahārā dukh hai

ek kināra tum ho ya.anī

merā ek kināra dukh hai

hañste rahte haiñ ham donoñ

maiñ huuñ dukh kā maarā dukh hai

Leave a Comment