Shahid Mahuli
kashti ravan-davan thi samundar khula hua
ankhon men bas gaya hai vo manzar khula hua
bistar tha ek jism the do ḳhvahishen hazar
donon ke darmiyan tha ḳhanjar khula hua
uljha hi ja raha huun main galiyon ke jaal men
kab se hai intizar men ik ghar khula hua
ik harf-e-mudda.a tha so vo bhi dabi zaban
ilzam de raha hai sitamgar khula hua
sahra-navard shahr ki saḌkon par aa ga.e
chehre pe gard abla-pa sar khula hua
Leave a Reply