Farhan Salim
aam hai izn ki jo chaho hava par likh do
ishq zinda hai zara dast-e-saba par likh do
aa rahe hain sabhi apnon sabhi ghairon ke salam
tum bhi dushnam koi meri qaba par likh do
phir jala hai kisi angan men koi taaza charagh
phir koi qatl kisi dast-e-jafa par likh do
hausla sab ne baḌhaya hai mire munsif ka
tum bhi in.aam koi meri saza par likh do
roz likh likh ke jo dastar pe laate hain sipas
ḳhuld un ko bhi koi nam-e-ḳhuda par likh do
andhiyan tez hain main abla-pa tum tanha
ab bhi chaho to mira naam rida par likh do
Leave a Reply