kaash us but ko bhi ham vaqf-e-tamanna dekhen
barf ki sil se nikalta hua sho.ala dekhen
jin ko manzil-talabi men ho talash-e-rahbar
rahnuma.i ko mire naqsh-e-kaf-e-pa dekhen
paanv ki rondi hui ḳhaak hai apne sar par
ham ne chaha tha ki aalam tah-o-bala dekhen
narm aur garam-nigahi pe nahin apni nazar
tere hote tira andaz-e-nazar kya dekhen
apna gham bhi gham-e-duniya ke barabar hai ‘uruj’
apna gham bhuul saken to gham-e-duniya dekhen
Leave a Reply