Poet
hai jo tufan be-navaon men
phailne ko hai ab havaon men
raakh dil ki kuredne vaalo
aag lag ja.egi fazaon men
mujh ko chaunka.e kya koi naghma
gum huun main apni hi sadaon men
bas yahi hai fasana-e-hasti
saans li ghir ga.e balaon men
aur me.ar-e-haq buland hua
kuchh izafa hua sazaon men
aankh rakhti hai kya sama.at bhi
suraten dekh liin sadaon men
umr bhar DhunDte rahe ‘saghar’
bu-e-iḳhlas kaj-adaon men
Leave a Reply