Poet
sar-e-kakul ko na o shoḳh-e-trahdar tarash
kaaT kha.ega ye uḌ kar na sar-e-mar tarash
ab to sar hote hain das biis ke har roz qalam
ḳhuub ye tu ne nikali hai jafa-kar tarash
ḳhat to ye main ne hi likkha tha ḳhatavar huun main
haath qasid ke liye tu ne sitamgar tarash
mah-e-nau chuum hi le us ko falak se gir kar
phenk deve jo vo naḳhun pas-e-divar tarash
tezi-e-tegh hai kya chaal men us kafir ki
saikḌon dil diye us ne dam-e-raftar tarash
qatl karta hai to kar shauq se ‘tanvir’ ko tu
ranj-amez na baten but-e-ayyar tarash
Leave a Reply