insha-allah-khan-insha

Kash Abr Kare Chadar-E-Mahtab Ki Chori

kaash abr kare chadar-e-mahtab ki chori

ta mujh se bhi ho jam-e-mai-e-nab ki chori

tuk takiya pe sar dhar ke raha so to lagai

sahab ne hamen masnad-e-kam-khvab ki chori

simab ke aansu vo sada roe ilahi

ki jis ne ho mere dil-e-betab ki chori

vo ishq ki sach aankhon se kajal ko chura le

kis tarah na ashiq ke kare khvab ki chori

mujh ko sar-e-bazar ghisatva ke nikala

ki us ne hi kuchh khana-e-navvab ki chori

jis ne ki mire chehre se aab aah uda le

sabit hui us par dur-e-nayab ki chori

shab sendh jo di daagh ki ek chor ne ‘insha’

to ho gai sab sabr ke asbab ki chori

More Poems

Leave a Comment