Poet
karun kya sakht mushkil aa padi hai
miri dahliz par chahat khadi hai
maqam-e-zabt hai ai dil sambhalna
judai ki ghadi sar par khadi hai
rasai kab dilon tak pa saki vo
mohabbat jo kitabon men padi hai
shikasta hain mire aasab yuun bhi
ana se jang ik muddat ladi hai
kai din se barahna mere dil men
taalluq ki koi mayyat padi hai
use milna bhi hai qaid-e-musalsal
judai ki bhi apni hathkadi hai
Leave a Reply