Rahat Hasan
bala ka zikr kya ye mauj bhi ghanimat hai
tamasha dekh rahe hain yahi ghanimat hai
kisi ke maal se koi gharaz nahin ham ko
hamari jeb men jo hai vahi ghanimat hai
khuli hui hain jo rahen to ye samajh lo tum
ki apne shahr ka mausam abhi ghanimat hai
hamen hai faḳhr ki nisbat ke pasdar hain ham
hamare vaste har shai baḌi ghanimat hai
ḳhud apne-ap ko patthar bata rahe hain sab
nazakaton se hain vaqif sabhi ghanimat hai
musalahat ki tamanna hui hai to ‘rahat’
har ek shart hi ab lag rahi ghanimat hai
Leave a Reply