karna na tha jo kaam ziyada kiya gaya
jazbat ko lagam ziyada kiya gaya
insan ke maqam pe rakkha gaya hamen
ya.ani hamen ghulam ziyada kiya gaya
pahle to koi kaam sire se hua nahin
phir us ka iḳhtitam ziyada kiya gaya
baaqi to Thik-Thak the halat shahr men
thoḌa sa qatl-e-am ziyada kiya gaya
koshish ke bavajud kahin mil nahin saki
jis shai ka ehtimam ziyada kiya gaya
tha jis ko aadmi se ḳhuda vaste ka bair
us ko yahan imaam ziyada kiya gaya
‘nami’ shumar hote hain phir ham ḳhavas men
ham ko agarche aam ziyada kiya gaya
Leave a Reply