Ibrahim Ashk
karen salam use to koi javab na de
ilahi itna bhi us shaḳhs ko hijab na de
tamam shahr ke chehron ko paḌhne nikla huun
ai mere dost mire haath men kitab na de
ghazal ke naam ko badnam kar diya us ne
kuchh aur de mire saaqi mujhe sharab na de
main tujh ko dekh ke tere bharam ko jaan sukun
ik aadmi huun zara soch aisi taab na de
vo mil na paa.e agar mujh ko is zamane men
to aisi huur ka duniya men koi ḳhvab na de
ye mere fan ki talab hai ki dil ki baat kahun
vo ‘ashk’ de ki zamane ko inqilab na de
Leave a Reply