Sufi

Karb-e-Furqat Ruh Se Jata Nahin

karb-e-furqat ruuh se jaata nahin

hal koi gham ka nazar aata nahin

kaash hota ilm ye insan ko

jo guzar jaata hai pal aata nahin

mit gaya shikve se lutf-e-intizar

ab hamen vo raah dikhlata nahin

ham vafaen kar ke bhi hain sharmsar

vo jafaen kar ke sharmata nahin

dard vo inaam hai ‘sahil’ ki jo

har kisi insan ko raas aata nahin

More Poems

Leave a Comment