Poet
aise vo mire shahr ki taqdir se khele
jaise koi bachcha kisi tasvir se khele
rahna hai use aur bhi kuchh roz qafas men
qaidi se kaho sabr ki zanjir se khele
utra hai mire zehn se paikar tira lekin
dil ab bhi tire lams ki tasir se khele
mumkin tha mohabbat men hamen maat na hoti
ye khel magar ham baḌi taḳhir se khele
ye ziist ki baazi na tire haath rahegi
tu laakh ise ghaur se tadbir se khele
Leave a Reply