Kaif Bhopali
ḳhanqah men suufi munh chhupa.e baiTha hai
ghaliban zamane se maat khaa.e baiTha hai
qatl to nahin badla qatl ki ada badli
tiir ki jagah qatil saaz uTha.e baiTha hai
un ke chahne vaale dhuup dhuup phirte hain
ghair un ke kuche men saa.e saa.e baiTha hai
vaa.e ashiq-e-nadan ka.enat ye teri
ik shikasta shishe ko dil bana.e baiTha hai
duur barish ai gulchin va hai dida-e-nargis
aaj har gul-e-nargis ḳhaar khaa.e baiTha hai
Leave a Reply