Poet
usi ki dhun men kahin naqsh pa gaya hai mira
jo aa ke ḳhvab men dar khaTkhaTa gaya hai mira
guzar gaya hai jo pahlu bacha ke mujh se to kya
nazar jhuka ke vo ghar dekhta gaya hai mira
huun muztarib tiri gum-gashta aarzu ke liye
dukan-e-dil se dur-e-be-baha gaya hai mira
asir-e-gumbad-e-be-dar paḌa huun muddat se
mire hi dil pe vo pahra biTha gaya hai mira
qadam qadam pe dayar-e-vafa ke raste men
miri zaban se fasana suna gaya hai mira
muhit hai mire divar-o-dar pe tanha.i
na jaane kaun ise ghar bata gaya hai mira
Leave a Reply