Hasan Akhtar Jaleel
kar ke sang-e-gham-e-hasti ke havale mujh ko
a.ina kahta hai ab dil men chhupa le mujh ko
main na dariya huun na sahil na safina na bhanvar
davar-e-gham kisi sanche men to Dhale mujh ko
ik tabassum ke evaz hech nahin jins-e-vafa
hans ke jo baat kare apna bana le mujh ko
itna bharpur kahan tha mire gham ka iz.har
ajnabi lagte hain ab apne hi naale mujh ko
main vo gul huun jo mahakta hai sar-e-shaḳh-e-hayat
kyuun koi apne gireban men saja le mujh ko
jaane kis dasht ke kanTon ne pukara hai ‘jalil’
liye jaate hain kahin paanv ke chhale mujh ko
Leave a Reply