kar-e-ahl-e-vafa jehd-o-taslim hai ham bhi taslim men kya ta.ammul karen
zaat ke dasht kitne hi darpesh hain kya karenge agar phir tasahul karen
ai sarir-e-qalam ai zamir-e-jahan aap apni zaban men jo likhna ho likh
kitne ahval hain na-navishta abhi kya munasib hai un se taghaful karen
ham pareshan-o-ashufta logon men bhi ik zamana hua ek dhiraj sa tha
ab to ham aise logon ki ḳhvahish bhi hai ku-o-barzan men ja ta-ba-shab ghul karen
mere alfaz men mera ḳhun-e-jigar kaise kaise jhalakta hai dekhen kabhi
saz-e-ishq-o-havas go ham-ahang hain phir bhi ishq-o-havas men taqabul karen
ab to ahl-e-hunar ek hi rasta aap aison ki ḳhatir khula hai abhi
har ata-e-zaman par tashakkur karen har jafa-e-jahan ka tahammul karen
kahna sunna bhi ik vaz-e-tahzib hai kahne sunne men naqs-e-maratib nahin
ik zara chup rahen ham bhi gulzar men pas-e-rasm-e-hikayat-e-bulbul karen
TuTti hain ravayat-e-mina-o-mai kya karenge evaz men maqamat ke
ahl-e-tadbir abhi vaqt-e-tadbir hai aa.en aur ehtimam-e-tasalsul karen
vo jo arbab-e-danish hain un ke liye ik nisab-e-amal sujhta hai mujhe
kya hain vo aur kya hai ye nazm-e-jahan kuchh tafakkur karen kuchh ta.ammul karen
Leave a Reply