Bakul Dev
hue ham be-sar-o-saman lekin
safar ko kar liya asan lekin
kinare zad men aana chahte hain
utarne ko hai ab tufan lekin
bahut ji chahta hai khul ke ro len
lahak uTThe na gham ka dhaan lekin
ta.alluq tark to kar len sabhi se
bhale lagte hain kuchh nuqsan lekin
tavazun aa chala hai zehn-o-dil men
shikasta haal hai mizan lekin
bahut se rang utre barishon men
dhanak ke khul ga.e imkan lekin
Leave a Reply