lagan zindagi ki jagani paḌegi
ḳhushi sab ki ḳhatir manani paḌegi
gharane ki izzat bachani paḌegi
hansi to labon par sajani paḌegi
abhi mil ga.e ham kabhi ye bhi hoga
ki rasm-e-juda.i nibhani paḌegi
tujhe kho ke jiina bhi kya zindagi hai
magar zindagi yuun bitani paḌegi
tera sheva chalti havaon se laḌna
har ik baat tujh se chhupani paḌegi
tere tikhe tevar batate hain mujh ko
ki hasti to apni miTani paḌegi
Leave a Reply