kar de karishma aisa ubur-e-kitab de
dena tu jis ko chahe use be-hisab de
suraj ki aarzu men kuchal Daali kahkashan
kis ḳhaak men the kitne sitare hisab de
rahmat ke saath chahun raza-e-ḳhuda bhi ho
mahshar ke roz baḳhsh na koi itaab de
yuun a.ine se dil ke tu har zang ko miTa
is dil ke aa.ine ko na.i aab taab de
pahunchun jo main salam mala.ek mujhe kahen
baḳhshish ho yuun ki saqi-e-kausar sharab de
ab ishq ka gunah to sarzad hua hi hai
chahe azaab de tu ki chahe savab de
ab roz ki tarah tu na yuun lait-o-la.al kar
kar dar-guzar gunah tu musbat javab de
jalva ata ho hashr ke maidan men mujhe
aur mustazad mujh ko tu jalve ki taab de
Leave a Reply