Shiv Om Misra Anvar
kaan men aa ke koi shaḳhs sada deta hai
ḳhauf-e-mauhum ki shiddat ko baḌha deta hai
chandni raat men didar tire partav ka
mere farhad ko shirin se mila deta hai
hijr ki raat men vo kaif-e-tasavvur tera
jo iradon men naya josh jaga deta hai
baat karne ka tire rang-biranga lahja
zindagi ko miri rangin bana deta hai
mera halat se laḌ jaane ka jazba ‘anvar’
mere kirdar ka me.ayar baḌha deta hai
Leave a Reply