nasim hai tire kuche men aur saba bhi hai
hamari khaak se dekho to kuchh raha bhi hai
tira ghurur mira ijz ta kuja zalim
har ek baat ki akhir kuchh intiha bhi hai
jale hai shama se parvana aur main tujh se
kahin hai mehr bhi jag men kahin vafa bhi hai
khayal apne men go huun tarana-sanjan mast
karahne ke dilon ko kabhi suna bhi hai
zaban-e-shikva siva ab zamane men haihat
koi kisu se baham digar ashna bhi hai
sitam rava hai asiron pe is qadar sayyad
chaman chaman kahin bulbul ki ab nava bhi hai
samajh ke rakhiyo qadam khar-e-dasht par majnun
ki is navah men ‘sauda’ barhana-pa bhi hai
Leave a Reply