kamal-e-admi ki intiha hai
vo ainda men bhi sab se bada hai
koi raftar hogi raushni ki
magar vo us se bhi aage gaya hai
jahan baithe sada-e-ghaib aai
ye saaya bhi usi divar ka hai
mujassam ho gae sab khvab mere
mujhe mera khazana mil gaya hai
haqiqat ek hai lazzat men lekin
hikayat silsila-dar-silsila hai
yunhi hairan nahin hain aankh vaale
kahin ik aaina rakkha hua hai
visal-e-yar se pahle mohabbat
khud apni zaat ka ik rasta hai
salamat aaine men ek chehra
shikasta ho to kitna dekhta hai
Leave a Reply